دارالاِفتاء

صلاۃ التسبیح میں اگر کسی رکن میں تسبیح بھول جائے یا بھول سے کم پڑھ دیں تو اسی رکعت کے کسی بڑے رکن میں پڑھ لینے کا حکم ہے یعنی کہ نماز کے کل سات ارکان میں سے کسی بڑے رکن میں۔ تو اب پوچھنا یہ ہے کہ نماز کے کل سات ارکان میں سے اکبر ارکان کون کون سے ہیں؟

فتاویٰ #1986

----بسم اللہ الرحمن الرحیم :----- الجواب:---- یہ کہیں نہیں کہ اس سے بڑے رکن میں ادا کرے ۔حکم یہ ہے کہ دوسری جگہ پڑھ لے ۔ خواہ وہ کوئی بھی ہو اور بہتر یہ ہے کہ اس کے بعد جو دوسرا موقع تسبیح کا آئے وہیں پڑھے، مثلاً قومہ کی سجدہ میں کہے اور رکوع میں بھولا تو اسے بھی سجدۂ میں کہے نہ کہ قومہ میں؛ کیوں کہ قومہ کی مقدار تھوڑی ہوتی ہے اور پہلے سجدے میں بھولا تو دوسرے سجدے میں کہے ، دو سجدوں کے درمیان نہ کرے۔ وھو تعالی اعلم ---(فتاوی جامعہ اشرفیہ، جلد:۵(فتاوی شارح بخاری))---